Firefox OS-ով աշխատող առաջին LG հեռախոսը

LG ընկերությունը թողարկեց Firefox OS-ով աշխատող իր առաջին սմարթֆոնը: Այս նորույթը ստացել է Fireweb անվանումը: Ներկայացված մոդելն ունի 4 դյույմանոց սենսորային էկրան և 1 ԳՀց հաճախականությամբ աշխատող Qualcomm պրոցեսոր: Սմարթֆոնի ներքին հիշողությունը 4 ԳԲ է: Հնարավորություն կա նաև տեղադրել հիշողության քարտեր: Սմարթֆոնը ունի 5 մեգապիկսելանոց տեսախցիկ, ինչպես նաև Wi-Fi և Bluetooth մոդուլներ:


Fireweb-ի մեջ տեղադրված են մի քանի ստանդարտ ծրագրեր ու խաղեր: Հնարավորություն կա նաև Firefox Marketplace-ից ներբեռնել նոր հավելվածներ կամ անմիջապես օգտվել վեբ ծրագրերից: Սմարֆոնի նախնական գինը մոտ 207 դոլար է, իսկ օպերատորին բաժանորդագրվելու դեպքում՝ 59$: